Aðgerð og placebo-aðgerð skiluðu sama árangri

Áhugaverð rannsókn var gerð á 180 manns með þráláta verki í hné. Af þátttakendunum fóru 120 í hefðbundnar skurðaðgerðir (tvær mismunandi gerðir aðgerða). Hinir 60 voru látnir halda að þeir hefðu farið í aðgerð, voru settir á skurðaborðið og voru þar í smá tíma, skorið og saumað fyrir. Í ljós kom að svipaður árangur var af aðgerð og placebo-aðgerð (gervi-aðgerð eða þykjustu-aðgerð), þeir þátttakendur sem fengu hefðbundna hnjáaðgerð sýndu ekki meiri bata frá verkjum en þeir sem fengu placebo-aðgerð. Greinin birtist í the New England Journal of Medicine og hægt er að nálgast hana hérna:

https://www.nejm.org/doi/full/10.1056/nejmoa013259

Greinin kom út í þessu virta tímariti fyrir um 20 árum og þetta er bara ein grein af mörgum sem benda í sömu átt - aðgerðir eru sjaldnast rétta leiðin til að bregðast við langvinnum verkjum. Samt sem áður er fólki áfram beint í aðgerðir og nú er svo komið að í ICD-10 (alþjóðleg tölfræðiflokkun sjúkdóma og skyldra heilbrigðisvandamála) er komin greining sem kallast "Failed back pain syndrome". Fólk leggst undir hnífinn til að bæta verki sem í flestum tilvikum veldur einungis lyfleysuáhrifum og einhverjir lenda svo aukalega í erfiðleikum vegna aðgerðarinnar sjálfrar og fá þar nýjan sjúkdóm til að kljást við.

DeilaHlekk